私人貸款市場競爭越嚟越激，除咗減息，仲要搵代言人宣傳，推銷貸款之餘、sell埋積極訊息，總之就係要豐富同超值！永亨信用財務新一輯私人貸款廣告中，又搵Ronald鄭中基做代言人，宣揚「正面啲諗，辦法梗有嘅！」（ThinkPositive）嘅訊息。
永亨信用財務嘅靚女總經理吳幗欣（圖）話，今次推廣嘅目標係想吸引好客仔，因提供低息（實際年利率4.99厘），亦希望宣傳積極嘅訊息；見到紅噹噹嘅Ronald，班好客仔嘅借錢意欲係咪會高啲呢？
查實永亨舊年已經請咗Ronald做稅貸代言人，希望食住《美女廚房》收視理想嚟吸引班年輕人。
李潤芳攝