AC米蘭較早前已公布歐聯奪標獎金（每個球員20萬歐元，約210萬港元），近日仲宣布喺下星期三決賽時會請舒夫真高、卡比路等舊將或名宿入場，幫隊波打氣。另外又喺決賽地點雅典租定架喺04年奧運閉幕用過嘅大郵輪，準備一贏波即拉大隊上船開香檳慶祝。AC咁高調，似乎信心爆棚，希望呢架大郵輪唔會未搭先「沉」啦。