時間：02年3月
地點：法國巴黎
人物：羅兆輝
經過：有地產界「神童輝」之稱嘅羅兆輝，02年忽然向記者大爆同女星嘅風流性史，成為傳媒嘅追訪目標，佢左頰仲無端端生咗個好似高爾夫球咁大嘅巨瘡，佢搵咗任港秀陪伴去英國傾生意，順便入院割大瘡，不過羅兆輝捱唔到肚餓，唔肯喺手術前禁食，結果冇入院。嗰粒大瘡越嚟越大仲爆咗。
羅兆輝粒瘡爆咗之後，傷口留有一個大窿，佢求其搽咗啲紅藥水就算數，冇睇醫生治理傷口，只係自行用膠布貼住。羅兆輝似乎好自豪有呢粒大瘡，佢語無倫次咁話：「大哥Joe（劉鑾雄）都話要飛去倫敦（編者按：羅兆輝當時身在法國）探我，不過我唔畀佢過嚟，我喺意大利咁遠唔想佢咁辛苦，唔好意思吖嘛！頭先李兆基嘅秘書都打過嚟畀我，佢代李生問候我粒瘡，不知幾關心我。」
羅兆輝因為被成班記者追訪，所以佢自誇：「我唔知幾犀利，喺意大利出街個個都認得我，街度有晒我做封面嘅書。」佢仲用唔同語言問途人佢靚唔靚仔，認真厚面皮。
羅兆輝近年轉到內地發展，不過佢依然冇改佢嘅癲狂行徑。今年3月底佢喺澳門藏毒罪成，判監1年零9個月，緩刑2年同罰款10,000元，好彩避過踎監，都算執番身彩。
本欄逢周一至周六刊出