「呀……得番我一個人咋！我要同佢（死者）一齊走！我哋一齊生一齊死！」慘遭工字鐵擊斃的工人蘇招光，其遺孀事發後聯同家人趕到醫院見愛夫最後一面，但她由兩名兒子攙扶步至距離殮房僅10步前，疑難以面對喪夫事實，悲慟得不支倒地，並嚎哭起來。她一度歇斯底里，嚷着要跟隨愛夫共赴黃泉，令身邊的兒子和大伯，不禁落下男兒淚。
身形略胖的蘇招光妻子癱軟在地上，不斷手舞足蹈，一邊呼天搶地說：「我想死呀！我要跳落去陪佢（死者）呀！」她的兒子和多名醫護見狀，圍在她身邊好言安慰，有護士勸說：「你仲有兩個仔吖！」惟蘇妻仍無法平復下來，哭得肝腸寸斷。
死者的17歲幼子見家中遭逢巨變慨歎：「以前老竇成日話我周圍去蒲，我都知自己好任性，但又冇咁聽佢話。今次呢件事嚟得好突然，我𠵱家真係好後悔！我應承佢（死者）以後會生性，畀心機重新做人！」
本報記者