11點，熄燈！修頓球場的波牛歸家，男同志接力登場。百多人進佔看台，遙望着對面的「魚塘」（公廁），坐着、躺下，在星月下無拘束的「釣魚」（識朋友）、談心。經歷過這段「同志盛世」的Kevin幽幽說，這10年，「魚塘」裝修、衞道團體打壓，同志們公共空間不斷萎縮。基吧、同志桑拿、交友網站確如雨後春筍，但失去了無拘無束的魚塘，「魚兒」再難覓得細水長流的愛情。 記者:雷子樂
到97換了國旗，同志生態也起了驚變。Kevin說最大變化，莫過於政府大舉翻新各區公廁，有意無意地鏟平了同志的樂土。烏燈黑火的公廁外、昏昏暗暗的公園裏，從前晚晚9時至翌日凌晨3時，男同志總川流不息，在魚塘外談天說地，遇上心儀對象就發展下去，魚塘撮合了無數的同志戀人。
回歸後，政府在魚塘外加裝大光燈，「我哋係寧畀人知莫畀人見，咁搞法仲點有人敢嚟。」公廁的室內設計也「大執位」，「以前係一條走廊兩邊廁格，大家可以對望談心，𠵱家間隔改咗，冇咗走廊，廁格唔係門口對門口，冇晒eye-contact（眼神接觸）啦！」93年修頓球場、九龍城侯王道公廁、金鐘萬茂里斜路的同志社群，已隨風化為他們的集體回憶。
經濟衰退同志吧劈價
因為打壓，變得商業。Kevin帶記者來到佐敦一幢毫不起眼的舊唐樓，全幢五層都是同志桑拿，「1樓係接待處、2樓係休息室、再上係浴室……」。老馬識途，他如數家珍的念出一串同志桑拿、基吧的名字。這10年，同志蒲點多的是，但商業味處處。「上到嚟心態唔同咗囉。畀得錢，個個只係想搵sexpartner，愛情？難啲啦！」
公共空間萎縮，惟有寄情虛擬角度。Kevin不愛網上交友，嫌網名可隨意更改，沒安全感。「唔似係魚塘面對面，見得多都feel到佢好唔好啦！」他笑說，曾有同志約了多名網友在柴灣不同的街口相見，「佢坐住部的士，逐條街兜，睇啱邊個，就即刻拉人上車。」
同志生活，也是社會縮影。回歸後經濟衰退，同志吧、桑拿全線劈價，「97前落吧要500蚊，𠵱家200蚊搞掂啦；以前去桑拿收成150元，𠵱家最平58蚊，又包按摩、包推油」。同志書店（提供「基片」影帶那種），也被老翻、BT「打殘」。
大家開始北上尋歡，一條龍的同志酒吧、的士高、桑拿、書店盡在深圳，「聽聞老闆以前喺香港做」。24小時通關後，Kevin身邊好友也會北上包仔，「網上流傳深圳有條怨婦街（聚居被香港男同志包養的內地男子）」。「基鴨」面對「外勞」入侵，要劈價求存，97前肉金1,500元，97後500元有交易，價格還在下滑中，「仲要有埋按摩、香薰呢啲vaule-added嘢呀」。
最令Kevin感慨是，97前圈內不乏探討同志文化、權益的「同志運動」；今天只餘下搞行山、游水團等「同志活動」。從網上留言，已可掌握到同志的品味，「通常一個留言，有（鹹）相嘅有幾千人睇，標題有「性」字有500人睇，如果講人權、講預防愛滋病，有150人睇都算多」。
回歸後，Kevin跟「朋友仔」結束了7年情，是因了解而分開，「佢比較喜歡生意人，我唔係呢種人。」再見也是朋友，「佢搵到新男友啦，做生意嘅，大家見番面佢坐Benz，我搭巴士。」有點酸溜溜，也是甜絲絲。分手後他拍過數次散拖，但再沒想過要「成家立室」，「收入都唔穩定，自然唔諗住keep人」。
「以前嘅社會包容好多」
Kevin年逾半百，15歲時被「uncle」「啓蒙」，接受了自己的性傾向。回望過去10年，對他傷害最深的，是明光社在05年在報章刊登廣告，反對政府就性傾向歧視立法。回首半生經歷，憶起魚塘月色，想到從前公眾對同志的親密舉動最多只假裝看不見，今天竟有團體明刀明槍的反對同性戀……他有感而發：「𠵱家反對嘅人越來越惡，自以為代表真理，都係以前嘅香港社會，對同志包容好多！」
回歸10年倒數46日