香港人好多時都要開OT，趕到返屋企煮飯實在係奢侈行為，但日日出街食亦唔係辦法，當然開罐頭撈飯係另一選擇。而事實上只要肯動吓腦筋，罐頭都可變出不同餸菜，甚至好短時間就速成一個浪漫燭光晚餐歎番吓。
記者：林佩婷
攝影：陳偉強
示範：怪師傅烹飪工作坊
創辦人劉傑盛（23930622）
部份產品及資料提供：雄鷄標（一般超市有售）
番茄汁焗豆吞拿魚香葱焗薯
需時：20分鐘
價錢：$40/4人
材料：番茄汁低脂焗豆1罐、水浸低脂吞拿魚1罐、焗薯4個、檸檬汁2茶匙、黑椒碎適量、奇妙醬2湯匙、葱粒1湯匙、牛油10克
做法：吞拿魚以小叉壓碎，加入檸檬汁/黑椒碎/奇妙醬拌勻成吞拿魚醬備用。馬鈴薯洗淨，以錫紙包裹，放入已預熱之焗爐，以210℃焗45至60分鐘取出。以小刀在焗薯上輕輕𠝹十字形，將薯肉向內壓，上塗牛油，將吞拿魚醬鋪於焗薯上，淋上茄汁焗豆，最後撒上葱粒。
白汁蘑菇牛柳粒紅白米飯
需時：30分鐘（未計浸米時間）
價錢：$50/4人
材料：罐頭蘑菇1罐（切片）、紅米/白米共250克、牛柳粒200克、番茄1/2個（切件）、蒜茸2茶匙、牛奶/鮮忌廉/上湯各1/2杯、水/黑椒碎/豆蔻粉各適量、芝士碎2湯匙、麵粉11/2湯匙、油1湯匙、鹽1/2茶匙
做法：紅米以清水浸泡2小時後洗淨，加入水/白米煮熟。燒熱鍋，落油炒香蒜茸，落牛柳粒和蘑菇略炒，加入豆蔻粉，撒上亁麵粉炒勻，徐徐加入牛奶/上湯煮滾。之後慢慢拌入鮮忌廉/番茄，最後加入黑椒碎/芝士碎/鹽調味，上碟伴紅米飯食用。
牛油果沙丁魚生菜卷
需時：10分鐘
價錢：$30/1人
材料：番茄汁沙丁魚1/2罐、牛油果1/2個（去皮切條）、紫椰菜2片（切絲）、生菜6片、葵花籽2茶匙
做法：將沙丁魚/牛油果/椰菜絲鋪排在生菜內，撒上葵花籽，捲起，做成生菜卷，即成。
海螺蘆笋炒雙菇
需時：20分鐘
價錢：$50/2人
材料：罐頭海螺1罐（隔水）、秀珍菇/鮮冬菇各40克、泰國蘆笋80克、洋葱1/6個、亁葱頭1粒（切碎）、蒜茸30克、白酒1/2茶匙、百里香/鹽/胡椒/水/油各適量
做法：秀珍菇/鮮冬菇汆水後瀝亁。燒熱油鑊，略炒秀珍菇/鮮冬菇/泰國蘆笋備用。爆香亁葱頭/洋葱/蒜茸，放罐頭海螺/秀珍菇/鮮冬菇/泰國蘆笋一起炒；最後落白酒/百里香/鹽/胡椒調味。
揀罐頭小貼士
購買罐頭前，先看一看食用有效日期，即使只是接近過期，也是不買為上。另外要留意罐身有否脹起，如有即代表罐頭內已有空氣進入，可能滋生細菌，不宜食用。罐頭上如印有某類由權威機構發出的健康標籤，質量更有保證。
至於未能一次過吃完的罐頭，切勿原罐放入雪櫃；該先把罐內食物倒入碗、碟，包上保鮮紙，才放入雪櫃。但也最多保存3天好了。
