「着紅鞋，勾義嫂」本身已備受爭議，居然還要登報公告天下，惟恐別人不知道？這不是欺人太甚了嗎？在網上流傳的一則「道歉啓事」，自稱姓蘇的男子向趙先生作出正式道歉，並單刀直入明言，原因就是自己跟趙妻在一起。網友不禁狐疑，「這究竟是道歉呢，還是挑釁？」
網友直指「暗寸高手」
「佢係咪搞gag呀？」「要好大勇氣」、「暗寸高手」、「第一次見到咁樣嘅道歉」、「佢真係……仲要指名道姓」。網友議論聲中，choiwong說：「咁都得？勾義嫂仲要登報？佢梗係『忽』上腦定喇！」sk則稱：「嘩~~登報話人戴綠帽喎，佢都真係夠膽！離婚啦，有晒通姦證據。」wowcafe說：「全世界都知道，咁樣對個老公係咪會造成二次傷害？」
網友「精圖」話中有話地說：「我覺得誠意唔係好夠，如果蘇先生拍段片向趙先生道歉，再放上YouTube，咁就真係有誠意喇！」hero~tam則推波助瀾地說：「咁細張，有誠意嘅就登頭版啦！」杜拜千禧一句講晒，「玩嘢同埋錢太多！」das則懷疑，「咁都得？真定假㗎？定係設計圖片？」