胡杏兒昨日以樂施大使身份出席在北角舉行的「樂施會中國發展基金2007」活動，分享早前到甘肅貧窮農村探訪的經歷，並呼籲大家捐助樂施會，杏兒說：「我每月定期捐100蚊畀樂施會，我都會叫身邊朋友捐錢做善事，一路都有好多慈善機構搵我幫手，可能我個樣夠敦厚又唔奸。」
預再傳緋聞
此外，杏兒在下月演出的時裝版《我的野蠻奶奶》劇中扮演女警，與汪明荃及緋聞男友黃宗澤再度合作，她表示已作好心理準備到時又會被傳緋聞，杏兒說：「我預咗，冇所謂，做嘢啫！」問她會否刻意避開黃宗澤，甚至拒絕同車？杏兒說：「我自己有車，盡可能都唔好，不過開工時就唔會刻意避忌，咁樣反而俾人覺得有嘢。」
採訪、攝影：魯萍