蔣麗萍噚日喺新城接受訪問，喺啱啱嘅母親節佢過得好開心，而遲啲就會約埋成班屋企人同阿爸蔣震慶祝父親節。佢家姐蔣麗芸早前幫無綫拍咗個特輯，係講母親節嘅，問蔣麗萍有冇睇到？佢話：「我有睇，仲好感動，拍得好好，唔只歌頌母親，仲可以話畀大家聽父母點樣教小朋友，第日啲小朋友就會點樣對父母。」