韓星李多海現實生活中絕對唔係「大話妹」，日前佢接受KBS電視台節目訪問時話：「現在我雖然沒有男朋友，但早年曾試過跟男友公然在街上拍拖，因為我不喜歡偷偷摸摸地談戀愛。」李多海又話自己當時已薄有名氣，即使有途人認得出都唔會點理，認真有型。過去曾傳出佢同李東旭因韓劇《大話妹》而發展地下情，但李多海喺節目度強調𠵱家依然係單身，仲話好懷念邊工作邊拍拖嘅感覺喎。