「靚聲王」張偉文前晚起一連兩晚在紅館開騷，為了以最佳狀態會觀眾，他上陣前積極減肥，但嘉賓薰妮卻沒有特別備戰，穿上露腰裝時，腰間士啤胎即無所遁形，更被張偉文笑她靠化妝才變靚。
張偉文前晚在紅館舉行「張偉文唱好唱好2007演唱會」，邀得唱家班好友胡美儀、薰妮和靜婷任表演嘉賓，他為個唱積極減肥，全晚服飾則以閃亮設計為主，出場時穿的紅色閃片服，恍如童話故事中的皇帝。
「唔化妝爭少少」
薰妮大讚減肥後的張偉文眼大靚仔，他卻說：「佢係咪好靚？女人好厲害，現代化妝技術好勁，但佢唔化妝爭少少，我就爭好多。」被揶揄的薰妮不知是否養尊處優，穿上低胸露腰背心襯金褲的她，腰間贅肉暴現，但她看來毫不介意，還走到觀眾席與fans握手。
至於胡美儀出場時則跟張偉文擁抱貼面，當他返回後台換衫時，胡美儀說：「我同張偉文以前合作過『張胡聯婚慈善演唱會』，之後好多人以為我哋結咗婚，不過我呢次要再澄清，冇呢件事。」
談張國榮舊事
張偉文為了紀念已故巨星，分別演繹了梅艷芳的《赤的疑惑》、陳百強的《偏偏喜歡你》和張國榮（哥哥）的《風繼續吹》，他又談了三位巨星的往事，張偉文說：「印象中阿梅好多嘢諗好憂鬱，可能同嘴形有關；我喺陳潔靈屋企打麻雀識陳百強，佢好有禮貌同有趣。我跟哥哥去做巡迴演唱會時，有一次佢發脾氣講粗口鬧監製，但佢忽然叫工作人員播生日歌畀我聽，監製以為冇事，點知哥哥繼續鬧佢，佢係好有個性。」
為了一新耳目，張偉文苦練了西班牙鬥牛舞，可是當四名舞蹈員把他抬起時，竟然腳震震。演唱會尾聲時，他獻唱《酒干淌賣無》入錯beat，可謂老貓燒鬚。
採訪：馬建華
攝影：仇志德
