放下屠刀立地成佛，一個人若有好生之德，斷估人品唔會差得去邊！好似近排人氣急升嘅波蘿油王子咁。
話說王子好耐之前，搵人裝修間屋，未開工前，佢已經滿口阿彌陀佛，又話自己唔計較錢，又易話為。
不過，嗰班設計師同裝修佬咪開心住，一開工，每個工人都俾佢抦過，邊個啱邊個唔着，華華都唔敢講！
裝修佬「夾錢」打齋
不過，王子都會有啲笑料提供，令到班裝修佬喺俾人抦之餘都有啲驚喜。好似當有師傅話，搵到個白蟻竇要杜白蟻，王子就好隆而重之咁，叫大家停工先，為乜停工？因為佢要打番堂齋超渡啲白蟻囉！唔係講笑，班裝修佬嗰日直頭連三點三都唔去，特登睇王子表演，事關佢哋入行咁多年，都未見過呢啲場面！
至於單裝修工程最後如何，冇咩嘅，王子唔滿意，咪扣人錢囉，班裝修行家話錢收唔到當有份夾打齋費囉！
[email protected]