大陸已經接近全民皆股嘅局面。股民邱先生話：「現在不炒股的同志，才是瘋了哩！」
老股民輸在謹慎
散戶鄧阿姨同佢嘅朋友喺五一黃金周長假期前先沽貨套現，準備假期後再入市，但鄧阿姨話，見到啲後生散戶，假期都唔肯先沽貨，話如果買嗰隻股票唔升幾蚊都唔肯放。結果假期後開市，大市守穩，鄧阿姨同一班朋友再入市，佢慨歎：「老股民總是比較謹慎，新股民就唔怕死。」
合法賺錢靠炒股
邱先生喺五一黃金周之前先行沽貨，就係咁少賺咗兩三萬銀，佢好㷫咁話：「今年（股市）已經翻一番，唔通仲怕佢跌咩？」佢話唔會揸到滿手貨，但點都唔會一股都冇喺手，佢深信個市真係跌，頂多都係賺少咗，唔會蝕入肉，仲話：「股市係我哋老百姓唯一賺錢嘅合法渠道。」
沽完呻笨又炒過
金先生一直信奉價值投資，見個市升得咁急，農曆新年前已經沽晒啲貨。不過，近排佢又忍唔住入市，原因係「唔隨波逐流賺錢就蝕底喇，雖然𠵱家嘅市況已經係『火中取栗』，但仍然好難收手。」
http://www5.cnfol.com/big5/post.cnfol.com/thread/241646.html