古巨基噚日到黃埔出席「母親節溫馨送暖慈善派對」，佢話完成工作後就會同媽咪食晚飯，仲笑話同媽咪打牌時會「鬆章」畀佢做母親節禮物。基仔話遲啲會喺「古巨基兒童醫療基金」撥出部份善款，為寮國一名患有眼皮過長嘅小朋友做手術。屆時基仔會飛去探佢，佢希望於年尾舉行一個音樂會為基金籌募經費。