無綫新劇《師奶兵團》演員謝天華、商天娥和馬國明，昨日聯同港姐葉翠翠、陳茵媺和呂慧儀等到樂富中心宣傳，與在場偉大的母親共度母親節。雖然女主角鄧萃雯和葉童沒有出席活動，但謝天華以劇中Lolita造型，配以爆炸頭假髮，率領郭政鴻、艾威和魯文傑在台上載歌載舞掀高潮，謝天華又脫下假髮以貼了紅唇的光頭示人，贏得一班師奶fans歡心。
娥姐硬撼大細契
女角中只得娥姐支撐大局，她眼見捧場客眾多自信大增，近日劇集《溏心風暴》同樣獲師奶熱捧，形成爭fans現象，娥姐揚言有信心撼贏《溏》劇，她說：「係吖，我都有睇關菊英同李司棋鬧交，好勁，但我對我哋套劇三位師奶有信心，各展所長，我哋係輕鬆小品，觀眾可以睇完畀吓分，反映邊個做得最好。」
謝天華聽到娥姐如此大口氣即謂：「佢講嘢咁叻，我唔識講呢啲，但都希望套劇收視好，事實上我都有睇《溏》劇，最出色係嗌交戲，自己都係fans。」
採訪：卓寶花
攝影：仇志德
