《溏心風暴》大契李司棋嘅精湛演技，完全將班姐仔比下去，又一次證明薑係老嘅辣，有啲嘢時間越耐，越有味道，就好似古董咁。早排睇完《蘋果日報》，知道亞洲最大型嘅藝術古董展《亞洲國際藝術古董展2007》，喺今個月25日至28日於亞洲國際博覽館舉辦，部份展品好似鄧乃榮油畫作品《黎明》，價值成千萬㗎。
我打電話問吓展覽個公關有乜好嘢睇，佢話有睇我呢個blog，「不如我送啲入場門票畀你啲網友，自己去睇啦。」大家可以喺5月19日前，寫低聯絡地址、電話，發電郵去[email protected]，就可以免費換領古董展入場券一張，成100蚊一張㗎，名額得100個。
我知你哋一定會諗，「要去到亞洲國際博覽館咁遠，咪要好多車錢？」唔使擔心，有免費穿梭巴士往返巿區同展場，上車地點有中環麗柏酒店、灣仔海港中心、紅磡火車站、尖沙嘴龍寶國際賓館。咁咪可以唔使錢玩一日囉，詳情可以致電27639011。
逢周一至周四刊出