自從經歷金融風暴、九一一及沙士事件以來，「危機感」成為港人常掛口邊的詞彙。怎樣才能設身處地體驗危機感呢？網友fung2005近日在網上張貼題為「呢條橋仲危險過獨木橋」的相片，只見這道跨越一個湖心的橋，連接着三處地方，但在湖上的橋心竟然沒有任何樑柱作支撐，十分驚險。有網友說：「我諗喺上面行會好有危機感。」但也有膽大的網友揚言要在橋上開party，尋求刺激。
看見這張「怪橋」相，網民andyip說：「喺上面開party就正咯，睇吓邊個跌落去先？」Yan接着道：「我都覺得幾正，我想試！」enjoylena稱：「你咁變態嘅？會唔會跌落去㗎？」但網友回應說：「大不了咪游吓水咋嘛=3=，唔錯呀=v=」「應該跌唔死嘅！」「如果行上條橋，希望唔好係大陸豆腐渣工程！」
「都唔係好危險啫，啲風景仲ok靚㖭。」「好似拼積木咁，啲風景好靚。」談論相中風景優美的網友也不少，Keita甚至稱：「喺邊度㗎？行到去中間會唔會郁㗎條橋？好想試吓行一行。」