對上一個星期，李司棋接受訪問，一個接一個，娛樂、港聞、副刊；電視、報紙、雜誌。記者的提問重複又不識趣：你同你個女又點呢？你哋又點好番嘅呢？母親節點慶祝呢？
司棋姐沒好氣：你有冇其他新問題，我答到好悶，個個都問同一樣嘢，我答咗幾次喇，不如我搵部錄音機錄低，或者將我個樣繡落件衫度，送畀你。
司棋姐演戲，演得好真。
「最鍾意嗰場戲係我鬧我新抱，佢喊到死，我嬲佢咁任性去行fashionshow，搞到小產。自己又病，冇乜日子睇到佢哋嘅細路。」
「《無雙譜》、《啼笑姻緣》、《山水有相逢》、《逐個捉》……《真情》、《茶煲世家》、《溏心風暴》，係一生中好開心嘅事，呢世人最開心就係呢啲嘢。」
「呢方面個心係好舒服嘅，會覺得有人care你，你做嘢有人知，拍我鬧大公仔（關菊英）嗰場戲係好特別，一拍完連在場嘅攝影師、燈光都拍手話精采，我好享受呢種感覺，做舞台劇就有人拍手啫，拍劇都有即場反應，係咪開心呀。」
訪問在上周四進行，談至尾聲，司棋姐提記者，你記得睇今晚集《溏心風暴》。記者轉開電視，看到楊怡哭成淚人，大契戴着癌病人專用道具──漁夫帽，原來正是她口中最喜歡的一場戲。
司棋姐最雀躍，還是談她的戲。
芸芸角色，哪一個是真正的你？「冇喎，冇可能，我係我呀！」
她只願觀眾繼續入戲。