今日母親節，各位孝順嘅球迷，𠵱家係唔係同伯母飲緊茶，又睇緊小弟嘅專欄呀？咁就啱嘞，等小弟幫大家搵番餐飲茶錢啦。
日聯今日有場大戰，由紅鑽迎戰飛腳，兩隊上季鬥足成季，紅鑽壓倒飛腳封王；但今季開「咧」至今個勢，紅鑽就跌緊watt，尤其攻力唔及得上季銳，上周中重要作客印尼打場亞冠盃比賽，體力都消耗唔少；飛腳上周中一樣要打場盃賽，就係本土嘅日聯盃，不過飛腳對呢個次等盃賽就唔多認真，而且飛腳今仗更有前鋒麥諾艾維斯停賽期滿復出，受讓平/半超筍。
讓球：大阪飛腳（下盤）
心得：母親節捧飛腳，執番啲飲茶錢
牽牛
精通各種賭法，發覺賭「讓球」先係王道，每日一棍希望有得發。