好多人都話季尾波認真難捉，好似英超咁，除咗曼聯外，其他球隊無乜強隊風範，而且今屆入球偏少，對於好似小弟咁喜博大比分波膽嘅波友，梗無癮啦；今天用英冠附加賽作主打，其實信心不大，不過會盡力一試，捧打比郡下盤。
唔好話英超，季尾歐洲波好多時競爭意義不大，令小弟捱夜興趣大減；不如早啲起身睇吓NBA季後賽同炒吓個牛市第3期好過，尤其係「現在台」嘅彼得張，對NBA嘅認識同評述風格，一向令小弟佩服，呢位Peter確係真材實料，不如下季撈過界講埋英超啦！
修咸頓傷兵未停過
言歸正傳，打比郡排第3唔可以直接升上英超，要怪就怪英格蘭低組別聯賽的升班制；不過，以打比郡嘅實力同埋人腳，喺今日附加賽首回合作客修咸頓時，起碼可以保不敗，甚至乎仲贏埋㖭！打比郡受讓平/半，梗係要下盤啦！
其實季初小弟講過修咸頓雖有機會爭直接升班，可惜佢哋主力輪流傷，陣容變動太頻，好似𠵱家兩大後衞龍廸雲同埋戴倫包維都因傷缺陣，中場謝明胡禮亦唔踢得，就算擁腳風大順嘅波蘭前鋒沙根諾斯基，亦不宜過份高估。
打比郡兩尖刀天衣無縫
至於打比郡打落班波穩陣得多，今屆聯賽作客同榜首嘅新特蘭一樣共獲12勝3和8負，而且今役可能有丹麥中前場球員比斯加特傷癒復出，加上前鋒史堤芬侯活同法根合作得天衣無縫，唔怕佢哋季尾氣勢稍回，今場博W亦可。
另全日重心，博爭德甲冠軍史浩克，鬥志勝上咗岸嘅多蒙特，馬會個2.05倍W比海外莊家低得多，有計！
重心出擊
讓球
打比郡(下盤)
蘋果波神
狂迷英國波，尊崇雲格；成與敗，視乎你是否找到真快樂！