常言道：知足常樂。許秋怡和王書麒自誕下王綽囗（Cody）後，深深體會箇中道理。為了不想把壓力加諸在愛兒身上，秋怡和書麒不會望子成龍，只會順其自然，希望Cody可以健康成長，做個開心快活人。 撰文：比華利
王書麒和許秋怡這對快樂夫妻，自兒子王綽囗三年多前出世後，王家無時無刻都洋溢着歡樂和生氣。三口子早前到中環添馬艦舉行的香港環球嘉年華耍樂。當日雖然天色不佳，但無損他們的雅興，依然盡興而返。
Cody雖是家中獨子，不過沒有被寵成小霸王，書麒和秋怡確有教仔心得，書麒說：「我哋好重視家教，會同個仔講道理，亦從來唔會打佢，試過佢曳都只係罰佢企，罰完會同佢解釋番。」與囝囝溝通的耐力，書麒自愧不如太太，秋怡說：「囝囝呢個年紀太細，打罵都冇用，不如同佢講道理仲好。講真我有時都好𤷪㗎，自己最終都係『咕』一聲吞咗啖氣。」
「媽咪你唔好喊」
只有3歲多的Cody懂性又乖巧，經常逗得雙親眉開眼笑。秋怡的母親04年病逝，早前父親亦離她而去，有一天她在家翻看父母生前拍攝的錄影帶，重溫過去的快樂片段，一時感觸哭起來，Cody即自動自覺拿紙巾，秋怡說：「我以為佢只係遞張紙巾畀我，點知佢仲好細心咁幫我抹眼淚，我同佢講話外婆同公公都唔喺度，佢好錫媽咪，Cody好懂性咁話：『咁媽咪你唔好喊。』好遺憾係Cody外婆、外公同嫲嫲都過咗身，佢嘅童年少咗三個長輩錫。」秋怡短短兩年痛失雙親，令她深深感受到樹欲靜而風不息，子欲養而親不在的道理，她表示日後會加倍教導兒子親情的可貴。
讓兒子擁快樂童年
雖然遇到無數不快，秋怡還是感到滿足，她說：「上天對我真係不薄，我有個咁乖嘅仔，老公又錫我，事業同家庭都滿意，我都覺得自己好幸運同幸福。」問秋怡可會望子成龍，她表示只希望Cody可以開心快樂地成長，她說：「我唔希望畀佢咁大壓力，記得Cody未夠1歲，我就四圍幫佢搵定學校，人人都話我過份緊張，𠵱家我諗通咗，其實囝囝係讀到書，去邊間學校都讀到，如果佢唔係讀書材料，點谷都冇用。佢將來長大條路仲好漫長，有啲嘢做父母嘅都未必可以幫到佢，所以好希望佢𠵱家有個快樂童年。」
場地提供：香港環球嘉年華
攝影：陳慧安
本欄逢周六刊出
