呢期戰友畢傑深入虎穴走訪森巴，大家都知嗰邊治安不嬲唔係咁好，戰友隻身犯險，作為老友自然擔心佢人身安全，話晒佢清靚白淨又有幾分「姿色」，如果一個唔好彩遇上意外，希望佢識用葡文講「唔好」（nao）同埋「停」（batente）啦！
既然畢傑暫別佢嘅戰場西甲，今日就等小弟「鳩佔鵲巢」玩吓佢西甲個地盤。皇馬季尾打爭氣波，力追巴塞，成班波都打高一班，今晚深夜仲唔趁住到訪嘅愛斯賓奴有歐協盃後顧贏多鋪，坐番一日半日「1哥」個位咩，何況巴塞啱啱係西班牙盃出局，話唔埋可以坐到尾㖭！
主客和：皇家馬德里勝
心得：皇馬強勢回歸必撐
賴恩
筆者崇尚以小博大，敗不傷，勝則笑。乏味雞肋何惜之！