現年61歲的李麗卿，是兩年前在深水埗執勤遇襲致腦缺氧警員朱振國的母親，8個月前振國送到廣州接受高壓氧治療，她衣不解帶貼身照顧；日前身在廣州的朱母接過子女送上的鮮花及蛋糕，擁着全身癱瘓的振國預祝母親節。雙眼通紅的她說，「願望好簡單，就係聽到振國再次叫聲媽媽！」
兩年來瘦了逾10磅
「以前我日日行街、打麻雀，𠵱家就以醫院為家，一個月只有幾日喺香港，但都心掛掛，擔心振國會點呢？」去年9月起，全身癱瘓的朱振國送到廣州軍區醫院醫治，由母親與妻子輪流照顧。經過173次高壓氧治療，朱母說振國原本僵硬的肌肉漸見鬆弛，每日接受坐卧、站立訓練及按摩，現時已可短時間坐直身，這些常人輕易做到的動作，朱母都感到萬分鼓舞，但對兒子康復機會她早已心中有數。
「我好擔心下個月完成200次高壓氧治療上限後，警察福利部不會再撥款讓振國留在廣州醫治。朱母坦言永遠難忘2005年7月19日，這天只有31歲的朱振國在街頭截查疑人時，遭對方以利刀割斷大動脈變成植物人，一生從此改寫。
母親節前夕，朱母接過幼子代振國所送鮮花慨歎「以前過年過節，約埋振國一家及另兩個仔女一齊慶祝，現時家不成家，七零八落，呢兩年我瘦咗10幾磅，感覺好似過咗10幾年，真係好累啊！」