今天係英超嘅煞科「大」日子，大家不妨揀兩、三場心水波向「總入球」5至7球串射推敲，望食個雙辣尾糊，而過埋今天，畸寶亦正式失掉英超轉播權，我會懷念keyman評述愛隊韋斯咸比賽通常輸波，又或者曼聯躉堅哥如何眉飛色舞……。
感性還感性，近300元嘅畸寶月費，主要吸引我睇嘅係英超同賽馬而已，對於睇意甲同德甲，小弟興趣不大；不過賽馬仲有個免費英文台頂住，所以都喺時候同呢個陪咗我10幾年嘅收費台講聲再見嘞，因為皮費實在太重，嗰邊睇「現在」加無記收費台要俾成四舊水㗎！
平手盤西布朗秤先
今日貼士續重心推介英冠附加賽，狼隊主場迎戰西布朗；計整體實力客軍點都高啲，而且小弟在電視直播看過該隊如何在英足總盃作客3球打敗狼隊；翻查狼隊今屆聯賽主場賽績，23戰僅6敗，但當中一半敗仗係輸畀前6對手，有恐「強」症之慮，莊家開出平手盤，已知狼隊票數乏力，幸射手保夫萊特壓陣，可補一注「大」亦可，波膽取西布朗贏2:1、3:1。
英超煞科「大」殺四方
另外，荷甲「雙阿」今天在附加賽主場出擊，決取阿積士「主勝」，博贏兩球，返主場對擅攻嘅海倫芬；英超煞科日，點都要分析吓，計「入球大細」，熱刺對曼城最熱，相信亦最穩，可博4球以上。
另一場屈福特對紐卡素，一隊降硬班無心理壓力，一隊等新領隊上場，球員要爭取表現，呢場博「大」及5、6球更妙。
重心出擊
大細：狼隊大
蘋果波神
狂迷英國波，尊崇雲格；成與敗，視乎你是否找到真快樂！