今日係囡囡出世8個月，亦係所有偉大母親嘅大日子。講到母親大人，就令我諗番佢唔鍾意睇波，都陪當年讀小學嘅我捱夜睇場86世界盃，份感覺歷久常新。
嗰場係巴西對西班牙，記得西軍21號仔米高（當時未出名）射靚波彈楣入咗白界，竟冇判入，巴西龍門卡路士扮受傷啲戲假到令母親笑到合唔埋口。嗰場波我倆至係贏家，多年嚟每提起場波，母親都大笑。
藍鑽石已經冇同母親一齊住，但今晚睇巴甲為法林明高打氣之餘，應該又諗番21年前嗰一幕。
主客和：法林明高勝
心得：今日講溫情，心得詳見另文
藍鑽石
愛意大利波、去意國度蜜月、囡囡與簡拿華路同日生日。