梁小冰和丈夫陳嘉輝近日喜獲麟兒，小冰上月9日剖腹誕下重6磅4安士的兒子，BB比預產期早兩星期出世，母子平安。
將來做港姐殺手
懷孕期間小冰仍然非常活躍，她昨日說：「我大住肚都成日執屋，又去跟詹瑞文學做戲，嗰日趁好太陽仲捉老公幫我影泳衣相留念，點知到換泳衣時就見紅，即刻打畀醫生，原本約咗楊羚BBQ，佢知道就即刻嚟車我去醫院。」
小冰又透露老公陳嘉輝全程在產房陪伴，對着初生的兒子，兩夫婦都大為感動，小冰說：「個仔因為頭部向上，所以一定要開刀生產，原本開刀係唔畀老公入產房，不過醫生都破例批准，個仔𠵱家好鍾意含住我個『奶滋』瞓，我幫佢改咗個乳名叫『奶滋仔』。」
目前小冰未幫兒子改名，她說：「希望佢可以健康、快樂成長，都會搵番呢類主題改名，陳法蓉有份接我出院，個仔一見佢就笑，唔知第時會唔會成為港姐殺手呢！」
撰文：卓美娟
