「肥嘟嘟」個靚囡囡「甜甜」同一眾男士嘅親密照，最近俾人登咗出嚟，搞到佢位靚媽咪好嬲。雖然靚媽咪知道甜甜影呢啲相係因為份人熱情啲，而且相入面大部份嘅男仔佢都識，但始終覺得件事好影響囡囡嘅形象。
被好友出賣
甜甜亦好唔開心，因為佢呢批相係好熟嘅朋友先至可以睇到或者攞到，啲相流傳咗出去，就一定係朋友所為，但究竟邊個出賣佢，就算估到都冇證據。有人八畀關仁聽，話甜甜份人好低調，今次親密照外洩事件，應該係同之前靚媽咪公開大讚佢乖、讀書叻、又冇男朋友有關，甜甜樹大招風，搞到某啲人妒忌，所以將佢啲相公開嚟打擊甜甜咁話喎。
Textby關仁
