法甲南特篤定來季降班，有啲感觸。01年開始鑽研法甲呢個當年仲被視為4大聯賽以外嘅次一級聯賽時，正逢南特封王，當時南特門將蘭特奴、翼衞阿曼特、以及貌似亞洲人嘅前場快馬華希路亞，最令華度有印象。
翌年即到里昂王朝興起，南特主將們亦陸續離去，大樹凋零，莫講話再難喺「里昂陰霾」下見爭標希望，如今仲要降埋班……側聞華希路亞今夏來港踢7人賽，睇吓有冇機會去同呢位大溪地仔想吓當年先。
有人連續兩場為西維爾開出讓半/一盤，無非想呢支新貴斷吓纜；周中西班牙盃唔死得，今晚迎戰維爾瓦，就跟下盤睇你底牌有冇pair！
讓球主客和：維爾瓦勝[+1]
心得：補埋「大」最多輸水
華度
貼士嘅嘢，邊有實贏？睇相佬就話我有運行，冇點你！