日劇《女王的教室》童星志田未來，憑主演話題劇集《14歲之母》一炮而紅。噚日佢喺東京神保町嘅書店，為寫真集首次舉行握手會，吸引800名fans到場，當中唔少仲係30出頭嘅男士。上周四度過14歲生日嘅志田，𠵱家同老牌女星吉永小百合拍攝山田洋次執導嘅新片《母親》，山田導演要佢用充滿女人味嘅聲線講對白，令佢好為難喎。