茶餐廳可說是最地道的香港飲食文化，不少人一日三餐都在茶餐廳解決，有自稱在茶餐廳工作了十年的網民在網上吐苦水，數盡港人不禮貌的飲食文化，「香港人又無品又煩，好似大陸人咁。」
這名茶餐廳夥計指香港人有「卡位情意結」，「香港人無卡位坐食唔到飯㗎，一見到卡位就即刻衝埋去，好似有金執，有嚿屎佢都要坐。」
港人性急，埋位後便催夥計落單，「成日舉手唔放低，應咗佢話轉頭先，都仲係唔放低手，有時你幫其他客落緊單，佢都要你即時寫單。」他說食客落柯打後，旋即要送上食物，否則又舉手催促，「乜都催，要煮㗎，你估去麥當勞咩！」
顧客不認同
BeautyExchange姊妹不太認同這夥計的牢騷，MEOMEO說：「返工食lunch得一個鐘，梗催啦。茶餐廳將啲枱排到密密麻麻，要同隔籬枱背脊貼背脊，坐卡位舒服啲，如果要批評人，檢討吓自己間餐廳有乜問題先啦！」