【本報訊】北角一間古董鐘錶玉器店自18年前遭賊人穿牆爆竊後，東主在牆中安裝鋼板、閉路電視、紅外線感應器及聲音感應器來防盜。昨凌晨「銅牆鐵壁」發揮作用，賊人從隔鄰空置舖位鑿牆企圖潛入，觸動聲音感應器驚動東主當場被捕，疑把風接應同黨逃去。東主對店舖防盜設施信心爆棚：「呢度係高度設防監獄好先進㗎！就算俾佢鑿穿塊鋼板入咗嚟，都仲有紅外線感應嘅！」
安裝有「銅牆鐵壁」及先進防盜設備古董鐘錶玉器店位於電氣道63號A地下，東主姓郭（47歲），自81年開業至今已26年，主要買賣名貴古董鐘錶，於89年曾遭賊人從隔鄰空置舖位鑿牆潛入爆竊損失20多萬元。
感應器接收鑿牆聲響
「上次損失慘重後聽取警方意見，除在三面牆安裝一吋厚鋼板外，更陸續加裝先進設備包括閉路電視、紅外線感應器同聲音感應器，全部接駁到我附近屋企同警署，收咗舖亦可以監視住，18年嚟再冇出事啊！」姓郭東主講述緣何會將店舖變成銅牆鐵壁的原因。
昨凌晨4時許，店舖內聲音感應器接收到鑿牆聲響驚動事主：「我落到舖頭見附近有個可疑男子似在把風，啲差人好快到場見我隔鄰空置咗個幾月嘅舖位，鐵閘鎖頭爛咗但拉唔開，懷疑有人係裏面頂住，強行拉開鐵閘原來裏面有個賊。」目擊警方拉人東主指警匪一度糾纏。
警員發現空置舖位與事主店舖相連牆壁，被人鑿開一個2呎乘2呎牆窿，地上有爆竊工具，被捕疑犯姓鄭（47歲），把風同黨則逃去。
古董鐘錶店「銅牆鐵壁」示意圖
