畢傑自問唔係型人，絕對唔會好似某名家咁話自己係「型人一名」，不過我朋友愛麗絲話我個樣似奧雲，狗仔祥就話似祖高爾。其實我未識佢哋之前，已經覺得奧雲同祖高爾有啲似樣，前者個look純啲，後者就邪啲咁解啫。
突然諗起奧雲個原因，係呢位紐卡素射手前個禮拜終於傷癒復出，睇佢走位同射術都keep到，只不過射入嗰球被判越位啫。今日英超煞科戰，紐記作客肯定以包尾身份降班嘅屈福特，畢傑老虎蟹都博奧雲開齋兼幫紐記贏波，等愛麗絲以為我入波。
讓球：紐卡素（平手）
心得：奧雲今晚打老虎
畢傑
畢傑愛肥仔，所以最愛朗拿度；但更愛賭波，不倒翁最似我。