關仁隱事:賓仔黑眼圈鬼祟外遊 - 關仁

關仁隱事:賓仔黑眼圈鬼祟外遊 - 關仁

「賓仔」雖然有個圈外女友,但成日俾人懷疑佢係同性戀,皆因賓仔無論說話同動靜,都成個女仔咁款。關仁聽聞佢呢輪同「黑眼圈」行得好埋,不時出雙入對,早排仲有人見到佢哋一齊喺外地返香港,仲刻意一前一後出閘。嗱嗱嗱問題就喺呢度,假如對方只係老友,點解要咁避忌呀?𠵱家嘅世界,有男朋友又有女朋友真係唔出奇,異性戀與同性戀之外,仲有樣嘢叫雙性戀㗎嘛。不過關仁驚訝嘅係,原來黑眼圈都係同道中人。
Textby關仁