最近免費電視台一套海味店爭產電視劇，引起全城追看潮；小弟早兩日放假，終於有機會係屋企睇吓呢套劇；講真，咪又係新瓶舊酒，大家族爭產，例必有不務正事嘅二奶，專門挑撥離間嘅舅父等等，同十幾廿年前季節差唔多啫。仲有，唔知點解𠵱家啲電視劇集，永遠唔會叫父母做爸爸媽媽，之前已經有爹爹、高生、高太，𠵱家又整個大鮑、大契出嚟，啲編劇如果咁有創意，不如執吓劇情先啦。
德甲嘅哈化柏林真係輸到人媽媽聲，今次對要爭踢歐協盃嘅利華古遜，一定要下盤啦。
讓球：利華古遜（下盤）
心得：哈化輸到媽媽聲，問你驚唔驚
牽牛
精通各種賭法，發覺賭「讓球」先係王道，每日一棍希望有得發。