時間：98年8月30日
地點：尖沙嘴美麗華酒店
人物：東瀛肉女沢村奈津子
經過：女星走光事件經常發生，但搞到甩bra露點，真係令人震驚！98年8月，亞視為迎戰當年TVB炮製，由姚樂怡、梁雪媚、李思蓓等靚女組成嘅「電波少女」，於是喺日本請咗六位上圍驕人嘅「東瀛肉女」嚟香港，結果班東瀛肉女第二日開記者會已經發射「愛美神飛彈」，將電波少女炸沉。
亞視派乳貼補鑊
98年8月30日，亞視安排班女仔以三點式泳衣會見記者，其中一位沢村奈津子狂擺甫士嗰陣，疑因動作太大，搞到泳衣扣鬆脫，成個bra飛出嚟！當時亞視男公關立即攞件衫遮住沢村奈津子心口，點知咁啱女方烏低身耷低頭，結果件衫笠正佢個頭。雖然沢村奈津子當眾出醜，但佢即向全場記者道歉，話：「騷擾到大家，好對唔住！」問你服未！
甩bra事件雖然令亞視宣傳上贏咗TVB，但影視處亦因此接到10幾宗投訴，搞到亞視要發聲明道歉，之後搵班東瀛肉女錄影節目時仲派發乳貼畀佢哋，慎防再生事故。
本欄逢周一至周六刊出