西維爾於周六主場迎維爾瓦，兩隊各懷鬼胎，前者望爭聯賽冠軍，後者欲全取3分奪歐洲賽資格，而維軍亦甚有前輩西維爾靜靜起革命的影子，惟師父經驗、質素皆勝，「主勝」有望！（球賽編號：星期六28；有線61及64台明日4:00am直播）
主場僅1敗必殺格
西維爾中場馬利斯卡上仗射入「窩利」世界波，惜無法令球隊擊敗皇馬，暫落後榜首巴塞4分，在爭逐聯賽之路上遇一大阻滯；然而，球隊今季主場僅1敗，強勁有保證，而路爾斯法比安奴停賽期滿復出，故即使兩名正選箭頭基沙哥夫和簡路廸臨場失準，也不用替球隊擔心。
升班馬維爾瓦甚有前幾屆西維爾的影子，陣內大牌球星欠奉，卻唔聲唔聲爬至第7位，極可能以升班馬身份挑戰來屆歐協盃，實教球迷意外；而陣內兩名小將烏捷、龐高尼，具拼勁，有速度，往往殺敵衞措手不及。然而球隊始終作客成績欠銳，近8仗作客得5和3負，整體經驗又略遜主隊，關鍵時刻自然較輸蝕。
兩隊中後場同有傷兵，西維爾有後衞查維拿華路，維爾瓦則有保遜，惟兩隊均主張快攻、實際踢法，西維爾正是師父級人馬，季尾自然是球星顯身價的時候，西維爾[-1]有信心開「主勝」。
阿呢斯奧
貼士
星期六28
西維爾vs維爾瓦
盤口：西維爾[-1]
半全場：主/主
讓球主客和：H主勝
2:0