女大十八變，邁向半百之齡的細契關菊英同樣有得變，五官越變越標致，容貌越來越年輕，確實回春有道。近日全港逾200萬名觀眾日日狂追《溏心風暴》，不難發現細契力抗歲月摧殘，保持長春不老，尤其拍在年長她7歲的大契李司棋身旁，更凸顯其靚靚肌膚和標準身形。
「人要keep嘅」
不過70年代的細契眼蓋浮腫、雙眼皮淡淺兼鼻樑扁，現在竟變得眼蓋平整、雙眼皮明顯而鼻樑又直又高，就連初出道的輕微暴牙也消失，變成現時的整齊潔白，認真神奇。
由於細契皮光肉滑，故被網友質疑她年齡報細數，更有指她已55歲，細契昨日笑說：「可能人哋見我年紀咁大都保養得好啫，其實40幾歲差唔多啦，如果我真係55歲，你先要話我keep得好。」會否擔心被指整容？她說：「乜都有人講㗎啦，冇所謂，有啲人都話我靚咗㗎，到我呢個年紀唔介意人哋點講，有人講好過冇人講。」
提到現時不少女星流行注射Botox（肉毒桿菌素）保青春，細契說：「我都覺得OK㗎，人要keep嘅，女為悅己者容，但我唔會打囉。」細契又謂保持開心、不喝凍飲及食物清淡，便是她的常青妙方。