近排喺地鐵月台等車嘅時候，俾我嘅女神松琼菜菜子嘅新廣告吸引住，雖則菜菜子佢到10月就34歲，但仲係咁靚咁索，唔怪得至咁多麻甩佬羨慕反町隆史啦！但話時話，反町同菜菜子結婚之後，事業插水，劇集電影唔收得，連唱片都冇得出，有一輪仲要慘到喺屋企做湊仔公。
碧咸同反町就啱啱相反，佢個老婆維多莉亞雖則超扒兼成日飛釘，但喺99年同維多莉亞結婚後，就紅到𠵱家，財源仲滾滾來㖭。今晚皇馬雖則冇碧咸（要坐波監），但好在班波「弗」，贏愛斯賓奴冇問題，取「主勝」。
讓球主客和：皇家馬德里勝[-1]
心得：皇馬「弗」爆，surewin！
青蛙仔
型人一名，細細個就睇英國、德國波，大個就攻日本波。