美股要升，可以漠視一切壞的經濟數據或消息，只講好的；要跌，則利用基本因素行事，汝道是否神又佢，鬼又係佢？
美股周四跌個四腳朝天，你估liquiditydriven真係單邊市乎？
美股下挫原因是4月份美國大部份百貨公司或連鎖零售店銷情不佳，加上進口價格急升，以及貿赤錄得歷來第2大所致。
不禁要問，零售銷售大幅減少，是受樓市拖累，抑或天氣影響？若是後者，則無問題之至。至於決策者甚重視的進口價格，4月份升1.3%，比市場預期的1%高，主要是原油進口價升6.5%驅使，難怪FOMC會後聲明強調亟須關注通脹風險矣！貿赤又為何會比2月擴大10.4%？是美國人瘋狂花費，抑或世界工廠（中國）全力「傾銷」？非也，非也。是油價上升引致，反而與中國之貿赤卻收窄。那麼又該怨誰？
美股下跌拖累大部份亞太股市滑落，亞洲3大「投注站」中以恒指跌得最勁，昨日交易時段曾數度想「擒」番高啲，豈料一再被力壓。港股近期已變成「豬八戒照鏡」──兩邊唔係人，何出此言？瞧瞧美股升、佢跌，「雙天」齊升，佢亦斯人獨憔悴，但任何一隻「天」冧落嚟都會被壓中，又怎不教哪些「甕中之鱉」焦急？遂屢聽到phonein之聲：點解恒指升我買隻跌？點解個市跌，我揸嗰啲跌得仲慘嘅？