男歡女愛千古不變，來到網絡年代，談情說愛有甚麼變化呢？身在澳洲的Jenny，與拍拖兩年的男友分手，她悔不當初，痛不欲生，特別設立網誌箍煲，希望男友回心轉意，「佢對於我嚟講，就好似係水一樣，我𠵱家喺澳洲，佢返咗香港，都係我唔好，係我唔啱，但係我真係好愛好愛佢，我諗唔到再有咩方法可以叫到佢返嚟我身邊，希望大家幫幫手。」
700網友留言祝福
Jenny愛的「留」言不知可否留住男朋友，但已有近700個網友留言，大部份人支持Jenny，祝福她與男朋友破鏡重圓，一齊勸她的男朋友重拾舊歡。Chung618說：「人哋男朋友，你女朋友咁錫你，返佢身邊啦。」sakurasa建議Jenny主動出擊，「既然佢唔返去你嗰度，不如你返香港搵佢。」
有些網友比較看得開，「你咁做真係嘥心機捱眼瞓，留唔住就留唔住㗎啦，唔係寫吓blog就得嘅。」
walker213勸Jenny死心，然而女主角不甘心，「希望你哋可以幫手勸吓我男朋友返嚟我身邊，所有可以為佢做嘅嘢我都願意做，奇奇，我真係好愛你，你返嚟好冇？」