盈保噚日特登為首季業績搞個記者會，條數並唔係好突出，主要係想交代富通集團收購盈保嘅進度；主席袁天凡全程四萬咁款嘅笑容，仲有問必答，同之前嘅作風分別好大；記得盈科保險05年業績出現重大錯誤，管理層冇一個人就事件公開回應，股東會完結後，仲由後門走避開記者。
今時唔同往日啦，富通買盈保單交易就嚟完成，袁天凡本人好快就有成2.7億銀落袋，佢形容心情非常之靚，下個禮拜仲會帶埋太太，同200幾個盈保同事（交到數嗰班）飛去羅馬玩，散吓心，佢話到時會請班員工食大餐。咁有冇諗過點樣使筆錢？係咪會買樓？佢話唔排除喎。
[email protected]