大部份女仔都鍾意食甜品，但又怕食肥着唔到小背心，惟有忍口。其實要靚唔一定要犧牲口腹享受嘅，今日趁住母親節前夕，一於教大家整啲低熱量甜品（以一件120克芝士蛋糕提供505卡路里計算），靚媽咪同靚囡囡不妨齊齊動手做，品嚐美好甜品嘅同時，仲有埋親子樂趣㖭！
記者：林佩婷 攝影：譚盈傑
示範：君悅酒店Tiffin餅房主廚
葉世鈞（25847822）
資料提供：營養及食物顧問柯文滿
低脂蘆薈芝士蛋糕
需時：6小時 價錢：$50/4人
海綿蛋糕材料：蛋白1隻、糖50克、麵粉150克、脫脂奶50毫升
做法：蛋白打起加糖/麵粉/脫脂奶攪勻，以180℃焗12至15分鐘。
其他材料：忌廉芝士200克、糖300克、蛋白2隻、低脂忌廉150毫升、蘆薈200克
做法：將1塊海綿蛋糕放模具底，忌廉芝士/糖/蛋白打勻，加入100克蘆薈攪勻後倒2入模具。再於上面放1塊海綿蛋糕，倒入剩下的材料，最後鋪上100克蘆薈，放入雪櫃約4小時。
知多啲：10克的低脂忌廉約有40卡路里，較全脂忌廉低一半。50毫升的脫脂奶約有17卡路里。這個蛋糕每件約只含320卡路里。蘆薈則選用無糖份的，含高纖維，又易飽肚。
法式鳳梨撻
需時：30分鐘
價錢：$20/4人
材料：新鮮菠蘿4片、糖100克、圓形酥皮4塊
做法：糖以慢火煮至金黃色，之後倒入模具；放入菠蘿肉，蓋上跟模具大小相同的酥皮，以220℃焗約15分鐘倒出。
知多啲：大廚選用新鮮菠蘿，每片約40卡路里，較罐頭菠蘿少約10卡路里。每個撻約有145卡路里。
紅棗雪梨果凍
需時：2小時
價錢：$20/4人
材料：去核紅棗10粒（開半）、雪梨1個（去皮切粒）、大菜5克、水1公升、糖30克
做法：紅棗/雪梨燴腍切半切粒，放入玻璃杯。大菜/水煮溶後，加糖拌勻倒入杯中，放入雪櫃約1小時待凝固即可。
知多啲：紅棗、雪梨皆有潤肺功效。大菜則無脂肪及卡路里，每杯果凍約50卡路里。
班蘭忌廉伴椰子醬
需時：7小時（未計冷藏時間）
價錢：$70/8人
材料：低脂忌廉1公升、班蘭葉4塊、糖150克、水200毫升、魚膠1塊、椰子醬少許
做法：低脂忌廉/水/班蘭葉慢火煮1小時，倒出用保鮮紙蓋實6小時，之後將材料隔篩後，加糖/魚膠拌勻倒入杯內冷藏4小時，食時放上椰子醬。
知多啲：班蘭葉是天然香料，可少落糖。每杯約500卡路里。
甜品致陷阱
營養及食物顧問柯文滿（阿Sue）指出，牛油、忌廉、芝士、朱古力粉等材料都容易致肥；另外酥炸的甜食由於含高油份，亦要小心食用。中式甜品如流沙包、芋泥，西式如忌廉芝士蛋糕等都易致肥。
千祈咪加花奶
至於較健康的甜品，則包括蒟蒻、大菜、果凍、啫喱等，可算是無脂肪及高纖維。但切記不要加花奶食用，否則也會致肥。
有些人以為用代糖較砂糖健康，但阿Sue指代糖太熱會產生化學作用，所以焗或煮的甜品，最好還是選用砂糖。
