雖然截稿時尚未知道熱刺喺周四晚進行嘅英超補賽，迎戰布力般流浪嘅戰果如何，但係熱刺喺下周日英超煞科戰，繼續留守主場鬥曼城時，仍可望有較對手更強嘅爭勝意慾。始終熱刺要爭歐洲賽資格之餘，亦希望打到上去第5名完成今季聯賽，保持住上季成績；曼城就擺明冇乜目標，中場主力祖爾巴頓亦鐵定離隊，今季再唔會為球隊上陣，秤埋實力都係熱刺較佳，呢場可博熱刺贏波戰果，吼主隊勝2:1。
維拉隊形有「保」證
保頓亦係另一希望爭逐歐洲賽資格球隊，但近期換咗領隊，前朝主帥艾拿廸斯唔玩，換上李森美執教，上周即刻輸畀護級嘅韋斯咸1:3；今於煞科日近戰阿士東維拉，雖云維拉亦同曼城一樣冇乜目標，但球隊踏入季尾，喺今季始上任嘅有料領隊奧尼爾執教底下，越踢越有隊形，呢場保頓想要喺主場以勝利謝幕，難矣，博1:1和波最穩。
篤定包尾嘅屈福特近期表現反而唔錯，只怨發力太遲，亦都同養傷多時、最近始復出嘅射手馬龍京治缺陣有關。上周屈福特就喺被睇淡情況下，作客淨贏雷丁，今輪迎戰領隊位仍懸空嘅紐卡素，隨時又創令人意外戰果，冷敲屈福特贏2:0。文：華度
波膽過關3串7
星期日30 保頓和1:16.5倍
星期日37 熱刺勝2:17.5倍
星期日38 屈福特勝2:18.5倍
全中賠率604.6倍