阿仙奴領隊雲格喺呢個禮拜會親身飛去西班牙馬德里，聽講佢想搞掂雷恩斯同巴廸斯達嘅轉會問題。不過奇就奇在，點解唔係皇馬教頭卡比路飛去倫敦？唔通卡比路唔急住買斷雷恩斯？今季由皇馬借去阿仙奴嘅巴廸斯達明顯唔啱用，睇嚟雲格今次親身去西班牙同皇馬傾，好大機會係想傾掂唔要巴廸斯達，兼賣斷雷恩斯畀皇馬！