你哋好，我係火箭教練雲根廸，日前敗在爵士手上，心情還未平復，因為我隊都認為今季表現不應係首圈就止步，我相信姚明都有同一個諗法。
今季我將姚明打造成「奧拉祖雲」的火箭年代，變成球隊得分第1人選，效果唔錯；從數據來看，平均多咗3分，實是喜亦存憂。由姚明加入NBA到現在，那股令敵將不敢輕易鏟籃的防守力何時才出現？究竟係性格或是天賦改變命運？相信後者可貼切形容7呎5吋高的姚明，因其身高變成直入籃壇通行證，但是單靠身高便足夠嗎？有一日，當你離開NBA時，期望球迷想起你像巴克利、馬龍一樣可惜，抑或是國籍係「中國人」？
「責之深，愛更深」，我唔係一個輕易放棄的人，希望你好好利用這段時間，訓練自己防守功夫，係來季成為一座令人生畏的「姚明移動城堡」，與我共創新紀錄。
豪善