西甲係歐洲主要聯賽實力最接近嘅聯賽，打到季尾，冠軍當然未誕生，連降班形勢都非常混亂；今周西甲就有一場護級大戰，以切爾達搵「左腳王」史杜捷哥夫執教，應該有心護級，今仗6分波鬥志一定冇問題，主W要捧。牽牛
心水清嘅球迷，都睇到小弟另文「黑盤王」，切爾達竟然係西甲「黑盤王」之一，捧佢地贏波唔怕咩？講真切爾達近期確實令人失望，近3仗輸晒之餘，更加1球都冇入過，新教練史杜捷哥夫以前射波扭波就有一手，教着隊波冇波入，塊面仲可以擺喺邊？
切爾達人腳可靠
以切爾達人腳，其實唔應該淪落至護級呢個地步，巴西前鋒拜安奴把握力唔錯，左翼利尼亦有突破能力，後防亦有安祖盧比斯、柏拉辛廸等國腳級人馬壓陣，只因信心問題先至搞到今時今日咁。
史杜捷哥夫接手後，陣容冇咩大改，都係靠拜安奴前線攻堅，配合利尼、古斯達禾盧比斯等後，以史杜捷哥夫過往喺西甲踢巴塞隆拿嘅魅力，應該俾到球員信心，只要腳風轉順，入球總會嚟。
利雲特係小弟心目中，應該今季難望護級成功；利雲特由過氣老將拉雜成軍，門將摩連拿、中場湯馬斯、前鋒沙華巴里斯達，係就係威過，不過已經係戰前嘅事。利雲特上仗好似好叻咁，贏人2:0，不過對手係幾乎肯定降班嘅塔拉戈納，並不代表利雲特復蘇。睇番利雲特作客已經連輸3仗，今次真係唔睇好。
除咗推介大家捧切爾達反底W外，切軍贏1:0波膽都要敲一敲；切爾達今季贏過7場波，竟然有4場係贏1:0；而利雲特作客連輸3場0:1，有迹可尋，呢個7倍波膽追得過。
屈福特謝幕拆「紐」
屈福特謝幕拆「紐」
冷門推介方面，同日英超煞科戰，屈福特雖然已經篤定降班，整體都保持到士氣，相反紐卡素季尾簡直不知所謂，又換領隊又冇隊型，最慘係唔識入波，已經連續3場冇波入；屈福特謝幕主W要捧外，並敲屈仔主場贏2:0，博得過㗎。
熱選大藍籌
星期日42
主客和：切爾達勝（1.9倍）
評語：護級大戰，切爾達主場唔贏唔得，史杜捷哥夫屬有料之人，可望改善球隊攻力。
冷選23線股
星期日38
主客和：屈福特勝（2.5倍）
評語：屈福特降班，球隊今場謝幕，有信心贏番場先落英冠，紐卡素又換領隊，內部問題不斷。
投資特攻隊金句
「以史杜捷哥夫過往喺西甲踢巴塞隆拿嘅魅力，應該可令球員回復信心，只要腳風轉順，入球總會嚟。」