上期推介國際米蘭作客墨西拿開W得手，今周希望再接再厲，搵多隊盤王幫大家贏錢。桑坦德呢排回落，唔掂；法甲呢個禮拜休戰，唔使刨；不如同大家研究吓葡超紅盤王比蘭倫斯吖，嚟緊周六迎戰馬里廸莫，個W真係好穩。
主場煞科唔贏就假
比蘭倫斯相比起上周嘅贏盤率雖然跌咗少少，但係全季都保持逾6成贏盤，成績算係唔錯，博佢哋起碼穩陣過今季盤路飄忽嘅賓菲加同布拉加等前列球隊。葡超仲有兩周要打，比蘭倫斯只要今場贏或和都肯定攞到下屆歐協盃入場卷。之但係話晒都係今季最後1場主場比賽，球隊點都想食番個尾糊贏波收場。原來自07年開始計，比蘭倫斯亞洲盤盤路為10贏4輸；何況佢哋從未試過連輸兩口盤，上場啱啱作客1:2輸完畀布拉加（受讓半球），今場對住冇降班威脅嘅馬里廸莫，以佢哋主場4連勝兼冇失波個勢，1注單W搞掂啦。文：畢傑
今周財星：比蘭倫斯
推介
主客和：星期六29
比蘭倫斯勝（1.67倍）