悠穎馳經常都有機會走去世界各地睇賽車，不過問心嗰句，最吸引嘅唔係360幾匹馬力嘅跑車，而係36D嘅賽車女郎。有時唔係話踩自己人，不過人哋外國嘅RacingQueen又的確係索好多、專業好多，就好似日本咁，年年都會搞番個「RacingoftheYear」嚟表揚一下該年度最活躍嘅賽車女郎，以前得過呢個獎嘅包括吉岡美穗同森下千里，尤其森下千里就更加係唔少少男嘅女神㖭！至於今年稱后嘅就係山崎綠小姐，呢位妹妹仔知道自己得獎之後仲開心到大叫起嚟，梗係喇，睇番以前得過獎嘅女仔，個個之後都可以喺電視、電影及廣告等多方面發展，想唔紅都難，唔大叫就有鬼囉！
悠穎馳
豪邁不羈，愛車如命，聽幾下引擎聲就知咩車！