大家近日應該有睇過煤氣公司新推出的廣告「明火做得到」，廣告中的狗仔聽教聽話，主人叫佢企就企，瞓就瞓，想佢點都得。當個個都對呢隻來自新西蘭的明星狗讚不絕口時，本地新狗王貴婦狗小超就好不屑咁話：「好叻咩，我學咗1個星期就做到晒啲動作啦！我都好厲害㗎！」大家即管睇吓佢有無誇大先！
記者：黃錫蓮 攝影：伍慶泉、黃錫蓮
場地和狗隻提供：蓮花犬舍張松照寄養訓練學院
鳴謝：香港中華煤氣有限公司
測試大考驗
（5★為最成功）
拍攝前一星期，小記聯絡蓮花犬舍，並將廣告片段交畀馴犬師過目，只需一星期，即刻收到馴犬師Daniel確實咁話：「無問題，小超做得到。」只需短短一個星期就誇口話做到晒所有動作，一於要來個大考驗，睇睇佢係咪咁犀利！
玩花臣叠羅漢
成功度：★★★★★
嘩！好以玩雜技，難度分爆燈！
仰頭坐定望星星
成功度：★★★★
小超可以坐定超過5分鐘，想佢頭仰仰只需手執零食。
雙腳走路走得快
成功度：★★★★★
好震憾的場面，行路咁似人，以為小超係超人嚟㖭！
被槍指住雙手舉高
成功度：★★
弊！小超平衡力唔夠，要用玻璃窗扶住借力呀！
趴低唞唞氣
成功度：★★★★
呢個動作最容易，二話不說即刻做到。
煤氣狗小檔案
姓名：Louie
狗齡：2歲
性格：大膽、具表演慾
狗種：凱恩爹利犬（CairnTerrier）
原產地：英國
外形：全身長滿粗毛，擁有濃密而且防水的雙層披毛，非常適宜在戶外工作。
歷史：原名為短毛史凱爹利，於1909年才改為凱恩爹利。擅於驅趕在叢林隱蔽處的狐狸。1913年開始引入美國。而著名馴犬師張松照先生睇見Louie的劇照就話：「呢種狗喺本港好少見喎！」
千挑萬選選中Louie
為帶出明火火力易見易控制的訊息，廣告公司搵咗狗仔大展奇技，與明火合演。煤氣公司公關話：「挑選主角的過程相當艱難和嚴謹，因為要搵出一隻乖巧馴服的狗仔絕非易事。最後廣告製作隊睇中新西蘭的Louie，更成隊人遠赴新西蘭取景，拍出咁精采嘅廣告。
拍攝前參加速成班
拍攝前２星期，Louie要接受速成訓練班，負責訓練嘅導師來頭好勁，她就是電影《寶貝小豬嘜》的動物訓練員，令成班飛禽走獸貼貼服服！拍攝當日，Louie初次面對攝影機一啲都唔怕，更同其他小狗一起發揮演員專業態度，即使導演要求高，依然努力做出指定動作。
潛質新狗王小超檔案
姓名：小超
狗齡：1歲
性格：活潑、為食、貪玩
狗種：貴婦狗（ToyPoodle）
原產地：法國
外形：毛層濃密豐滿，有長而細小的頭，胸部深而較寬。
歷史：以身為標準型貴婦狗的縮小版而名聲大震，曾被16世紀德國藝術大師達雷爾畫入油畫中，在香港極受歡迎。
狗場最頑皮最聰明小狗
問到馴犬師點解睇中小超做今次真狗騷的主角，佢哋話：「因為佢最頑皮而又最聰明！」負責訓練小超的兩位馴犬員來頭也不小，都係馴犬大師張松照嘅得意門生阿Ben和Daniel。阿Ben連續10年在港九狗會和香港狗會的服從比賽中奪獎無數；而Daniel就有好多馴犬經驗，俾佢訓練過嘅狗，多達百幾隻，佢哋仲幫電影公司訓練狗仔拍戲呢！
服從秘技：零食誘惑
拍攝當日，小超就好乖咁完成一個又一個嘅指定動作，佢唔係熱儍咗，只不過係想得到馴犬師手上嘅食物罷了！小超好為食，為了食物不顧一切，見到佢個儍樣，令我和攝影師都大笑呢！
馴犬好Easy
想你隻狗仔好似小超咁叻，只要跟足Daniel指示做，每日不停練習，好快就會學識。
Sit
Down
StandUp
貼士
1.訓練前不要給狗隻吃得太飽，否則就唔易用食物來訓練佢。
2.先熟習狗的脾性來因材施教，對於細膽的狗，要有耐性地哄牠受訓。
主人學馴犬課程推介
1個月學識
課程特色：基礎服從包括繩隨行、坐下、臥下、前來、等待等指令訓練。畢業後的學員可電話預約到本舍作課程重溫，而犬隻會在不同場地、不同導師及與其他犬隻作犬隻集體訓練，以加強犬隻的穩定性。
收費：$5,500/為期一個月（每日訓練）
蓮花犬舍張松照寄養訓練學院（24888969）
地址：新界元朗八鄉錦上路蓮花地DD112-671Lot
主人與狗齊上課
課程特色：基本服從訓練、主人訓狗訓練、分析狗的問題。
收費：$5,500/1個月（包括主人4堂及狗隻每
天1小時訓練）
PetWorld（24706928）
地址：元朗錦田水尾村351號