鄭嘉穎和鍾嘉欣昨日到銅鑼灣出席太陽眼鏡店的開幕儀式，名模熊黛林以一身低胸背心加熱褲任嘉賓模特兒，吸引大批途人圍觀。眼鏡店的老闆只顧與熊黛林聊天，又輕扶她的腰肢，令她搶盡風頭。
近日電視圈正掀起一場挖角潮，身為無綫「親生仔」的鄭嘉穎昨日接受訪問時表明會效忠TVB，他說：「其實我舊年已經續咗一份唔短嘅合約，有記者話Bosco（黃宗澤）份約到2017年，咁我嗰份冇咁長，不過我哋包薪制嘅同事合約都唔短，何定鈞知道TVB嘅制度，應該會好清楚。」
嘉欣演壞女孩
同場的鍾嘉欣透露下月初將與馬浚偉合作拍新劇，她說：「我會演喺旺角賣電話嘅Sales，仲要成日飲酒同吸毒，雖然『常在心』（她在劇集《溏心風暴》的角色）好受歡迎，不過可能係時候轉變，我唔介意演奸或者醜嘅角色。」
採訪：藍文浩
攝影：陳俊強
